Eides språksjov

Kan sobert riksmål fungere som sjekketriks? Skal vi tru forfattar Vetle Lid Larssen, er svaret ja. I tillegg blir det både jodling og strupesong når Linda får besøk av stemmebrukens fremste ekstremsportutøvar.

Kva slags ord fungerer best i eit poprefreng og når skal du bruke tankestrek? Dette vil du få svar på når Odd Nordstoga gjestar språksjovet. Dessutan får du møte ei som kan noko nesten ingen andre kan: stenografi.

Dei er pent kledde, dei har alvorleg mine og dei har sin eigen språklege sjanger. Vi snakkar om nyheitsopplesarar. Humoristane i 5080 Nyhetskanalen deler alle triksa med oss. I tillegg kjem språkdirektøren og oppfordrar til sivil ulydigheit.

Dus eller Dis? Tyskarane brukar framleis høfleg tiltale, men er dei meir høflege av den grunn? Kva er det med borkstaven R? Vi spør ho som kanskje har nasjonens flottaste skarre-r, Herborg Kråkevik.

Kva skjer med forfattar Anne B Ragde når ho legg om frå trønder til klingande hardangerdialekt? Vi får også besøk av to systre som snakkar det heilt eineståande språket bulgislavsk.

Går grensa ved helvetes idiot? Eller må det eit jævla homo til før fotballdommaren dreg det raude kortet? Vi ser på korleis programskaparane Nils og Ronny klarer å gjere seg forstått på språk dei ikkje skjønar bæret av.

Prøv å uttale ordet Llanfairpwllgwyngyllgogerychwyrndrobwllllantysiliogogogoch. Vi får besøk av ein waliser som kjem frå denne staden og endå meir internasjonalt blir det når Igor Dunderovic går laus på det norske språket med bosniske briller.

Kor kort kan ein historie vere? Forfattar Frode Grytten har funne opp twitternovellen. Vi ser også på kva engelske innvandrarar tenkjer om at språket deira er i ferd med å ta over norsk.

Fotballen har sitt eige stammespråk, og ei som kan det betre enn dei fleste, er ekspertkommentator Lise Klaveness. I tillegg får vi vite kva slags kroppsspråk som må til for å styre eit stort symfoniorkester.

Språksjovet går, bokstaveleg tala, nært inn på organet som er grunnlaget for alt språk - stemmebandet. Songaren Elisabeth Moberg fortel om sitt livs mareritt: då stemma forsvann.

Linda Eide har i 2018 vekt latter, undring og mange språklege diskusjonar rundt om i landet. Få tema engasjerer nordmenn meir enn språk. Her er høgdepunkta frå sesongen, samla i eitt program.