Dyrevenn

Det er duka for NM i reinkappkøyring i Tromsø! Nils Mathias skal delta for aller fyrste gong saman med Speedy, ein ung og vilter reinokse på 4 år. Korleis trenar ein på å bli ein god reinkusk? Og korleis vil det gå i konkurransen?

Katten Roxy ventar sitt aller fyrste kull med kattungar. Katteeigar Juni er veldig spent og i full gong med å førebu til heimefødsel. Korleis kjem det til å gå? Og kor mange kattungar er det eigentelg i magen til Roxy?

Natalie elskar dyr og drøymer om å bli dyrepasser. Det er berre eit lite problem. Ho er redd for lemurer! Korleis vil det gå når ho får prøva seg som dyrepasser i Den Lille Dyrehage der det kryr av lemurer?

Kvifor skal ein læra alpakkaer å gå i bånd? Jo, fordi dei skal på alpakkautstilling! Natalie skal stilla ut sine to alpakkaer, Tirill og Conrad, for aller fyrste gong. Korleis vil det gå? Kjem dei til å oppføra seg fint for dommaren?

Emil og Maja har masa på pappa i fire år og endeleg har dei fått viljen sin. Dei skal få hundekvalp for aller fyrste gong. Men korleis skal dei få han til å trivast i sin nye heim? Og korleis får ein eigentleg ein hundekvalp til å lya namnet sitt?

Live har ein stor jobb framfor seg, ho skal nemleg temma ein heil flokk med dåhjortar på ein besøksgard i Lillehammer! Heldigvis har ho nokre triks på lur. Trur du ho klara det?

Mille har eit veldig spesielt kjæledyr, ein 7 år gammal blind sau som heiter Lene. Det som gjer ho endå meir spesiell er at ho no er drektig og ventar tre lam. Men Lene er ein gammal sau og treng å bli passa ekstra godt på fram mot fødselen.

Adele har ein veldig spesiell papegøye som kjæledyr. Han heiter Cornelis og elskar å få kos. No har Adele lyst til å læra Cornelis triks, og tek han med til ein papegøyeekspert for å få hjelp. Kor mange triks klara ho å læra han på berre to veker?

Velkommen til sesongens siste Dyrevenn-episode. Ludvig og Malin besøker ein bigård for å smake på honning og sjå tilbake på alt det gøye dei har vore med på i år.