Her er eg!

Linn Kristin frå Vågsøy er spent på korleis det blir å overnatte i telt for første gong. Kanskje det blir regn, eller kva om ho må ut midt på natta for å tisse? Heldigvis er pappa med.

Per skal på fisketur i lag med far sin, saman skal dei setje line på 600 meters djup i Nordfjord. Dei håpar å få mange fiskar med rare namn: Håmus, skolest, isgalte, skate og fløyelsbuk.

Ananda frå Selje må vente lenge på mamma og pappa når dei er på jobb. Dei arbeider på Kråkenes fyr, som ligg langt ute ved havet. Ananda leikar både inne og ute på fyret mens ho ventar på at dei skal bli ferdige.

Ein morgon Sivert frå Florø vakna hadde høna fått ein heilt ny og gul kylling. Sivert ville ikkje gå på skulen, men det måtte han likevel. Der klarar han berre å tenke berre på om det kom til å kome fleire kyllingar.